Lexo

Ekspozeu im para deputetëve të Parlamentit të Kosovës për Projektligjin për Performacën Energjetike në Ndërtesa

Të nderuar/a,

Me lejoni qe shkurtimisht te paraqes qëllimin dhe rendësin e Projektligjit për Performancën Energjetike në Ndërtesa.

Ky projektligji është shumë dimensional dhe esencial për Kosovën si në kursimin e energjisë ashtu edhe në mbrojtjen e mjedisit dhe shëndetit publik.

Republika e Kosovës ka nënshkruar marrëveshje me Traktatin e Komunitetit të Energjisë, dhe ka marrë për obligim miratimin e kornizës ligjore në harmoni të plotë me legjislacionin e BE-së, i cili është parakusht për implementimin e obligimeve të cilat dalin nga Traktati si dhe implementimin e Planit te Veprimit te Kosovës për Eficiencen e Energjisë PKVEE 2014-2018.

Ministria e Mjedisit dhe Planifikimit Hapësinor në kuadër të kompetencave të saja për rregullimin e fushës së ndërtimit dhe duke marre parasysh obligimin për transpozimin e Direktivës 2010/31/EU, në Ligjin Nr. 04/L – 110 për Ndërtim, i cili është në fuqi që nga muaji korrik 2012, ka përcaktuar kërkesa për aplikimin e masave të efiçiencës së energjisë në objektet ndërtimore.

Meqenëse Direktiva 2010/31/EU përmban dispozita të cilat nuk plotësohen me bazën ekzistuese ligjore Ministria e Mjedisit dhe Planifikimit Hapësinor ka identifikuar si të nevojshme hartimin e Ligjit për Performancën e Energjetike në Ndërtesa.

Idenë për hartimin e këtij Ligji e ka përkrahur edhe Sekretariati i Komunitetit të Energjisë ku është konsideruar si masë e nevojshme në arritjen e caqeve nga Plani i Veprimit për Efiçiencë të Energjisë në Kosovë.

Duke qenë të vetëdijshëm për rëndësinë qe ka, propozoj që ta shqyrtoni dhe ta miratoni Projektligjin për Performancen Energjetike ne Ndërtesa.

Faleminderit për vëmendje!

Prishtinë, 04.08.2016

 


Hajdari, raporton para Komisionit Parlementar per Ekonomi

Sot para Komisionit për Ekonomi, Industri, Ndërmarrësi dhe Tregti, ka raportuar znj.Rozeta Hajdari Ministre e Tregtis, së bashku me UD të Kryeshefit të ARBK-së. Niveli i zbatimit të ligjit p...

Lexo më shumë...

Shala: Do të përdorim të gjitha mjetet legale që taksa 5 eurshe të mos filloj së zbatuari nga 1 shtatori

Kryetari i Komisionit për Ekonomi në Kuvendin e Kosovës, Ferat Shala, e konsideron si antiligjor vendimin e Ministrisë së Infrastrukturës me anë të të cilit qytetarët do të obligohen nga 1...

Lexo më shumë...

Në takim me përfaqësuesit e ARRU dhe KRU-ve!

Ferat Shala, në cilësinë e Kryetarit të Komisionit për Komisionit për Ekonomi, Industri, Ndërmarrësi dhe Tregti, së bashku me kolegët tjerë, ka ftuar në takim drejtoreshën e ARRU-së dhe ...

Lexo më shumë...