Lexo

MMPH dhe Universiteti “Haxhi Zeka” nënshkruan memorandum bashkëpunimi

U vlerësua se ky bashkëpunim ka qenë i nevojshëm për të dy palët dhe se përfituesit kryesorë do të jenë studentët përmes angazhimit në punë praktike dhe në projekte që do të implementohen në të ardhmen në kuadër të këtij bashkëpunimi.

26.10.2016- Sot në ambientet e rektoratit “Haxhi Zeka” në Pejë, u.d ministri i Mjedisit dhe Planifikimit Hapësinor, Ferat Shala, ka nënshkruar marrëveshje bashkëpunimi me rektorin e Universitetit “Haxhi Zeka” z.Fadil Millaku. Me këtë rast z.Shala tha se “MMPH është e përkushtuar në projekte për rregullimin e ujërave të zeza dhe menaxhimin e tyre. E gjithë kjo punë kërkon ekspert të fushave të ndryshme. Andaj ky memorandum bashkëpunimi do ti mundësoj këtij universiteti të jetë më afër projekteve dhe do të mundësoj që studentët të jenë përfitues të punëve të cilat ofrohen, dhe në këtë mënyrë përfitojnë edhe përvojë, por edhe mundësi punësimi”.

Rektori i këtij universiteti publik, Fadil Millaku, falënderoi u.d ministrin Shala dhe tha që ky bashkëpunim ka qenë i nevojshëm për këtë universitet, duke shtuar që bashkëpunimet me institucionet shtetërore është gjithmonë i nevojshëm edhe për studentët, të cilët duan të shohin edhe praktikën e teorisë të cilën e marrin gjatë studimeve.

Ky memorandum bashkëpunimi parasheh mes tjerash bashkëpunimin në  zhvillimin e moduleve dhe programeve mësimore në nivelin bachelor dhe master, realizimin e punës praktike për studentët në MMPH, realizimin e temave të diplomës me interes të përbashkët, shkëmbimin e përvojave, praktikave, ekspertëve e literaturës si dhe  organizimin e përbashkët të ngjarjeve të rëndësishme shkencore e profesionale me qëllim të avancimit të politikave në fushën e mjedisit dhe planifikimit hapësinor.

 


Diaspora të lirohet nga pagesat për testet PCR për COVID19!?

Tashmë jemi mësuar me populizmin e Qeverisë së udhëhequr nga kryeministri Kurti për dashurinë dhe respektin kinse për diasporën tonë. Nuk do të kishte asgjë të keqe dhe do të konsiderohe...

Lexo më shumë...

Ferat Shala: PDK-ja është parti bashkëpunuese, por për presidentin s’bëjnë kompromise

29.03.2021-Në një intervistë për Ekonomia Online, Shala tha se proceset me të cilat do të ballafaqohet Kosova në të ardhmen nuk do të jenë të lehta....

Lexo më shumë...

Ekspozeu që nuk reflekton zhvillim dhe prosperitet!

Qëndrimi im lidhur me ekspozeun e kryeministrit Kurti i prezantuar para deputetëve të Kuvendit të Kosovës....

Lexo më shumë...