Lexo

Qeveria miratoi planin e masave për përmirësimin e cilësisë së ajrit

Shqyrtimi i vendimit për importin e veturave te vjetra, rritja e kontrollit të cilësisë së derivateve të naftës, rritja e inspektimit të lëndëve djegëse në ekonomitë familjare, janë vetëm disa prej masave të përfshira në këtë dokument

23.12.2016- Qeveria e Kosovës, në mbledhje e sotme e ka shqyrtuar dhe miratuar dokumentin “Plani i Masave për Përmirësimin e Cilësisë së Ajrit dhe Gjendjes së Mjedisit në Kosovë”, të propozuar nga MMPH, që ka për qëllim përmirësimi e gjendjes, rritjen e efikasitetin në zbatimin e legjislacionit, Strategjisë dhe Planit të Veprimit për cilësinë e ajrit, ngritjen e kapaciteteve teknike dhe humane. si dhe rritjen e nivelit të bashkëpunimit dhe bashkërendimit institucional,

Në kuadër të masave të propozuara në këtë dokument përveç atyre që tanimë janë duke i zbatuar përfshihen edhe shqyrtimi i vendimit për veturat e vjetra, rritja e kontrollit të cilësisë së derivateve të naftës, rritja e inspektimit të lëndëve djegëse në ekonomitë familjare, funksionalizimi i transportit publik, themelimi i fondit të mjedisit dhe masa tjera të afatshkurta, afatmesme dhe afatgjata.

Ferat Shala u.d i ministrit në MMPH ka thënë se plani është bazuar në përgjegjësit institucionale. “Në kuadër të veprimeve të ndërmarra janë dhënë 6 rekomandime të cilat ne jemi duke i zbatuar si mas për mbrojtjen e ndotjes së ajrit”, tha kreu i MMPH-së.

Ai ka përmendur edhe dhjetëra rekomandime që përmban ky plan për mbrojtjen e e cilësie së ajrit.

“Shqyrtimi i vendimit për veturat e vjetra, të rritet kontrolli i cilësisë së derivateve të naftës, rritja e inspektimit të lëndëve djegëse në ekonomit familjare, funksionalizimi i transportit publik në ato qytet ku ndotja e cilësisë së ajrit është më e lartë”, kanë qenë disa nga rekomandimet”, tha Shala.

Ndërkaq, lidhur me këtë çështje zv. kryeministri i Kosovës, Hajredin kuçi ka thënë se “duhet të realizohet edhe një aktivitet me opinion publik që të informohen më gjendjen dhe masat që duhet marr.

“Plani është operacional por duhet shikuar edhe mundësit buxhetore për zbatimin e disa masave pasi mbrëmë është miratuar buxheti”, tha Kuçi.

Miratimi i këtij plani të masave për përmirësimin e cilësisë vjen si rezultat i angazhimit të vazhdueshëm të MMPH, për të përmirësuar gjendjen dhe  për të vendosur çështjet mjedisore në kuadër të prioriteteve të Qeverisë së Kosovës.

 


Urime PDK!

Partia Demokratike e Kosovës (PDK), shënon 20-vjetorin e themelimit të saj....

Lexo më shumë...

Besimi juaj, do të na forcojë!

Proceset që na presin do t’i dëshmojnë misionet dhe kontributet e secilit!...

Lexo më shumë...

Urime Kosovë!

Sapo e kryem obligimin qytetar dhe demokratik. ...

Lexo më shumë...