MMPH prezanton hartën e parë topografike digjitale
Ministria e Mjedisit dhe Planifikimit Hapësinor, prezantoi hartën e parë topografike, e cila do të jetë në dispozicion të zhvillimit të shkencës, kulturës, por edhe ekonomisë dhe institucioneve tjera përkatëse.
29.12.2016- Ushtruesi i Detyrës së ministrit të MMPH-së, Ferat Shala, tha se ky projekt që ka kushtuar rreth 2 milionë euro, është realizuar në bashkëpunim me Qeverinë e Japonisë, e i cili përfshin të gjitha parametrat dhe termat e referencës si shtet dhe si republikë. “Sot kemi mundësi të shohim hartën topografike e realizuar nga ekspertë të kësaj fushe për të përmbyll këtë vit me këtë projekt, i cili po e përmbyll suksesin e 10 projekteve tjera në kuadër të Ministrisë së Mjedisit dhe Planifikimit Hapësinor” tha Shala.
Kryeshefi i Agjencionit Kadastral të Kosovës, Murat Meha, tha se kjo hartë i ka munguar Kosovës dhe ka një rëndësi të veçantë për të gjitha efektet në ekonominë e Kosovës.
“Gjeo informacioni si një pjesë e veçantë dhe shumë e rëndësishme për të gjithë territorin e Republikës së Kosovës ka ofruar edhe në këtë rast të dhëna të cilat nuk i kemi”, tha ai.
Rezultat i këtij projekti është Harta Topografike Digjitale 1:25000, me numër total 155 fleta, është e punuar në gjuhën angleze, shqipe dhe serbokroate, që mbulojnë gjithë territorin e Republikës se Kosovës.
Kjo hartë topografike është me bazë të plotë të dhënave, me sistemin GIS-it, me rregulloret e nevojshme për zhvillimin, ndryshimin, azhurimin dhe punimin e Hartës Topografike.
U tha se ky projekt i posedon të gjitha elementet e një harte topografike siç janë: Hekurudha Minierat, objektet e ndryshme industriale që e përfshin gjithë territorin e Kosovës.
Me shume: http://www.ekonomiaonline.com/nacionale/mmph-prezanton-harten-e-pare-topografike/
Shkollat të hapen me 1 shtator!
Shumica e qeverive në mbarë botën kanë mbyllur përkohësisht institucionet arsimore në përpjekje për të ndaluar përhapjen e pandemisë Covid-19. UNESCO vlerëson se me këtë veprim janë a...Lexo më shumë...
Vlerat e luftës së UÇK-së, janë vlera sublime të lirisë dhe pavarësisë!
Kosova shtet i pavarur, ashtu sikur është tani, nuk do të ishte e tillë pa luftën e lavdishme të UÇK-ja....Lexo më shumë...
Kërkohet zgjidhje urgjente për të parandaluar falimentimin e Telekomit të Kosovës
Komisionit për Ekonomi, Punësim, Tregti, Industri, Ndërmarrësi dhe Investime Strategjike, dje ka mbajtur mbledhjen nr.13/2020 ku është debatua për situatën e rëndë në të cilën po kalon T...Lexo më shumë...
