MMPH vazhdon mbështetjen e projekteve mjedisore nëpër komunat e Kosovës
Në kuadër të këtij angazhimi MMPH ka nënshkruar memorandume mirëkuptimi me Komunën e Klinës për projektin “Rehabilitimi i shtratit të lumit Klina”, dhe me Komunën e Vushtrrisë, për projektin “Ujësjellësi Vushtrri-Gracë”.
10.02.2017- Në kuadër të aktiviteteve dhe projekteve për mbështetjen e projekteve mjedisore nëpër Komunat e Kosovës, Ministri i Mjedisit dhe Planifikimit Hapësinor, z.Ferat Shala sot priti në takime të ndara kryetarin e komunës së Klinës z.Sokol Bashota dhe të Vushtrrisë z.Bajram Mulaku.
Me këtë rast janë nënshkruar memorandume të bashkëpunimit për projektet e miratuara nga MMPH-ja, për vitin 2017:
Memorandumi për Komunën e Klinës, për projektin “Rehabilitimi i shtratit të lumit Klina”, në vlerë prej 210,000.00 €.
Memorandumi për Komunën e Vushtrrisë, për projektin “Ujësjellësi Vushtrri-Gracë”, në vlerën prej 485,594.00 €.
Ministri z.Ferat Shala ju sugjeroi kryetarëve nënshkrues të këtyre Memorandumeve, për të filluar menjëherë me procedurat e parapara me Ligj për realizimin sa më të suksesshëm të këtyre projekteve kapitale për Komunat Klinë dhe Vushtrri.
Urime PDK!
Partia Demokratike e Kosovës (PDK), shënon 20-vjetorin e themelimit të saj....Lexo më shumë...
Besimi juaj, do të na forcojë!
Proceset që na presin do t’i dëshmojnë misionet dhe kontributet e secilit!...Lexo më shumë...
