Lexo

Ministri Shala: përvojat gjermane do të ndihmojë Kosovën për gjetjen e zgjidhjeve për furnizim me energji

Studentët e Fakultetit të Inxhinierisë Mekanike, të Universitetit të Prishtinës, do të kenë mundësinë të bëjnë praktikën në kompaninë gjermane “Amperax”, që merret me prodhimin gjeneratorëve të erës.

30.03.2017-Kjo u bë e ditur nga drejtori i kësaj kompanie, Wolfgang Schmittner, i cili mbajti një ligjëratë para studentëve të Fakultetit të Inxhinierisë Mekanike, raporton Ekonomia Online. Ministri i Mjedisit dhe Planifikimit Hapësinor, Ferat Shala, tha se përvojat e kompanisë gjermane “Amperax” do të ndihmojë dukshëm Kosovën për gjetjen e zgjidhjeve më të mira për furnizim të rregull me energji për vendin tonë.

Shala tha se Qeveria e Kosovës së bashku me MMPH-në janë të përkushtuar që të avancojnë energjinë e ripërtërishme dhe zhvillimin ekonomik.

“Kosova ka trashëguar shumë probleme mjedisore nga e kaluare e të cilat janë akumuluara përgjatë dekadave, dhe po ndikojnë në shfrytëzimin e pakontrolluar të resurseve natyrore, në dendësinë e lartë të popullsisë, ndërtimin e pakontrolluar në toka bujqësore, shfrytëzimin e pakontrolluar dhe prerjen ilegale të pyjeve, aktivitetet ekonomike dhe industriale, duke përfshirë minierat dhe industrinë e përpunimit, e që të gjitha po kanë një ndikim të drejtpërdrejt në mjedis. Përveç të gjithë këtyre faktorëve të cilët ndikojnë në mjedis, ndryshimi i klimës e shton ndërlikimin ekzistues drejt realizimit të zhvillimit të drejtë socio-ekonomik”, tha ai.

Ai njoftoi studentët edhe për hartimin e Ligjit për Energjinë e Ripërtërishme, i cili tashmë ka përfunduar dhe shumë shpejt pritet të miratohet në qeveri dhe në Kuvend.

“Plani Kombëtar i Veprimit për Burimet e Ripërtëritshme të Energjisë (PKVBRE) (2011-2020) me caqe të caktuara dhe masa që duhet ndërmarrë për përmbushjen e tyre deri më 2020 paraqet politikën gjithëpërfshirëse të Qeverisë për nxitjen e shfrytëzimit të BRE-ve në Kosovë. Skemat mbështetëse për Burimet e Ripërtëritshme të Energjisë. Me rastin e rishikimit të skemën mbështetëse të Feed-in tarifës për energjinë nga uji dhe energjinë e erës, në vitin 2016 Zyra e Rregullatorit për Energji ka rritur Feed-in tarifën për energjinë e ujit nga 63.3 sa ishte më parë, në 67. 3 Euro/MWh, kurse për energjinë e erës është zgjatur afati i shitblerjes së energjisë nga 10 në 12 vjet. Afati 12-vjeçar i marrëveshjes së shitblerjes së energjisë është edhe për energjinë fotovoltaike, ndërsa për energjinë e HCV-ve është 10 vjet”, tha ai.

Profesori gjerman, Schmittner, në fillim të ligjëratës së tij u dha studentëve një porosi: “Nëse doni të arrini dhe të jeni të suksesshëm, duhet ta doni vendin tuaj”.

“Të studiuarit mund ta kuptoj vetëm në këtë mënyrë, Unë e dua vendin tim dhe dua të punoj dhe kontribuoj për vendin tim . Unë isha pjesë e disa shteteve ku punoja, duka u munduar të bëjë më të mirën time, por nuk ndihesha rehat. Të punosh në dizajnim të programeve për biznesit dhe financim, do të thotë të jesh kontributdhënës në energjinë e ripërtërishme por të njëjtën kohë edhe kontributdhënës për zhvillim ekonomik të shtetit tënd”, ka thënë Schmittner.

Më pas profesori gjerman, në ligjëratën e tij para shumë studentëve, trajtoi temat: Kërkesat dhe studimi i arsyeshmerisë së projektit, optimalizimi dhe Plani i Biznesit për Financim, dizajnimi, prodhimi dhe autorizimi, Instalimi dhe operimi, dhe burimet tjera të energjisë së ripërtërishme dhe diskutime.

Përpos ligjëratës, Wolfgang Schmittner prezantoi projekt propozimin “Pavarësimi energjetik i Fakulteteve Teknike” projekt inovativ në Kampusin e Universitetit të Prishtinës “Hasan Prishtina”.

Ky projekt është rezultat i bashkëpunimit të ngushtë në mes të komunitetit të bizneseve në Kosovë, Gjermani & Danimark, Fakultetit të Inxhinierisë Mekanike, Ministrisë së Tregtisë dhe Industrisë, GIZ-in Gjerman, si dhe Klasterit të Industrisë së Metaleve dhe Energjisë së Ripërtërishme të Kosovës.


Letër publike ambasadorit Miroslav Lajçak

Me lejoni që në fillim të kësaj letre time publike, të përshëndes përpjekjet tuaja për të zgjidhur problemin shekullor mes Kosovës dhe Serbisë, për të vendosur paqen e përhershme dhe ba...

Lexo më shumë...

Deputeti i PDK-së: Kosova në dialog pa koordinim dhe pa ekspertë

Ferat Shala, deputet i PDK-së, ka thënë për Front Online, se Kosova ka nevojë për një koordinim ndërpartiak dhe ndërinstitucional për bisedimet. Sipas tij, Kosova në këtë takim ka shkuar ...

Lexo më shumë...

Një fond për mbrojtjen e mjedisit!

Ka shumë arsye që na obligojnë ta bëjmë një fond të veçantë për mbrojtjen e mjedisit....

Lexo më shumë...