Lexo

Takim me ekspertët e Agjencisë Japoneze për Bashkëpunim Ndërkombëtarë

Studentët dhe personeli akademik i Fakultetit të Inxhinierisë Mekanike të UP-së, do të jenë pjesë e projektit “Zhvillimi i kapaciteteve për kontrollin e ndotjes së ajrit”.

27.10.2017-Stafi akademik i Fakultetit të Inxhinierisë Mekanike të Universitetit të Prishtinës, është takuar me ekspertët e Agjencisë Japoneze për Bashkëpunim Ndërkombëtarë-JICA. Në takim është biseduar për bashkëpunimin në lidhje me implementimin e projektit “Zhvillimi i kapaciteteve për kontrollin e ndotjes së ajrit”. Pjesë e këtij projekti që po implementohet nga JICA, e ku përfitues kryesorë është Ministria e Mjedisit dhe Planifikimit Hapësinorë, do të jenë edhe studentët dhe personeli akademik i Fakultetit të Inxhinierisë Mekanike të UP-së.

Projekti i zhvillimit të kapaciteteve për kontrollin e ndotjes së ajrit që kapë vlerën prej 4 milionë dollarë, do të ndihmojë në rehabilitimin e stacioneve për monitorimin e cilësisë së ajrit, inventarin e emisioneve në ajër, modelimin e shpërndarjes së ndotësve, analizat laboratorike për metalet e rënda në ajër, trajnimin e stafit për mirëmbajtjen e stacioneve për monitorim të cilësisë së ajrit dhe kalibrimin e instrumenteve, matjen e emisioneve në impiantet me djegie të madhe, përpunimin e rezultateve të fituara nga matjet si dhe vlerësimin ë gjendjes së kaldajave dhe elektrofiltrave në TC Kosova A dhe TC Kosova B.

Komuna e Prishtinës do të jetë pilot projekt, ku do të bëhet vlerësimi i ndotjes së ajrit nga burimet e veçanta, duke përfshirë transportin, amvisërinë, shërbimet publike dhe industrinë. Po ashtu do të rishikohet rrjeti i monitorimit të cilësisë së ajrit, mundësia për pajisje edhe me ndonjë stacion tjetër të cilësisë së ajrit dhe vendosja e monitorit në kryeqytet për t’u informuar edhe qytetarët me gjendjen reale të cilësisë së ajrit në vend.

 

 


Diaspora të lirohet nga pagesat për testet PCR për COVID19!?

Tashmë jemi mësuar me populizmin e Qeverisë së udhëhequr nga kryeministri Kurti për dashurinë dhe respektin kinse për diasporën tonë. Nuk do të kishte asgjë të keqe dhe do të konsiderohe...

Lexo më shumë...

Ferat Shala: PDK-ja është parti bashkëpunuese, por për presidentin s’bëjnë kompromise

29.03.2021-Në një intervistë për Ekonomia Online, Shala tha se proceset me të cilat do të ballafaqohet Kosova në të ardhmen nuk do të jenë të lehta....

Lexo më shumë...

Ekspozeu që nuk reflekton zhvillim dhe prosperitet!

Qëndrimi im lidhur me ekspozeun e kryeministrit Kurti i prezantuar para deputetëve të Kuvendit të Kosovës....

Lexo më shumë...