Lexo

Zëri që paralajmëroj lirinë!

Sot me rastin e shënimit të 20 vjetorit të themelimit të Radios “Kosova e lirë” dhe Agjencisë së lajmeve “KosovaPress” kujtojmë me krenari zërin që paralajmëroj lirinë e Kosovës dhe shpërndau të vërtetën për luftën e lavdishme të Ushtrisë Çlirimtare të Kosovës.

04.01.2019-Jehona e valëve të Radios “Kosova e lire”, ishte pushka dhe motivi i luftëtarëve të lirisë. Zë kushtrimi dhe shprese që shndriti etrin e Kosovës në kohën e territ informativ që kishte kapluar vendin.

Agjencia e lajmeve “KosovaPress” ishte një dritare e vogël që shpërndau dritë të madhe për ti treguar botës për luftën e drejtë çlirimtare dhe sakrificën për liri të popullit të Kosovës. Burim i informimit për shqiptarët anë e mbanë botës, agjencitë botërore të lajmeve, shtypin, politikën dhe diplomacinë ndërkombëtare.

Derisa Ushtria Çlirimtare e Kosovës po jetësonte shtetësinë e Kosovës dhe po sillte rrezet e para të lirisë, Radio “Kosova e lirë” dhe Agjencia e lajmeve “KosovaPress”, po vendosnin themelet e para të historisë së informimit të lirë të vendit.

Përveç kontributit të jashtëzakonshëm informativ që kishin këto institucione gjatë luftës, ato dhuruan edhe material dokumentar për luftën e UÇK-së, dëshmi dhe fakte për historinë më të re të Kosovës. Dokumente, lajme, informata, komente, intervista, reportazhe, kronika, letra, reagime e deklarata, që dikur ishin përgatitur dhe shpërndarë nga këto institucione, që atë kohë ishin bërë dritare e pazëvendësueshme e informimit, sot janë një dëshmi e rezistencës dhe krenarisë së UÇK-së.

Kontributi dhe puna e tyre në pasqyrimin real, të drejtë dhe gjithëpërfshirës të luftës së lavdishme të UÇK-së, dhe sakrificës së popullit tonë liridashës, është kontribut me vlera historike, faktike dhe arkivore, në shërbim të historianëve, studiuesve, pedagogëve e studentëve.

Andaj, ky zë i çlirimtarëve që rrëfeu të vërtetën e luftës për liri do të jetojë brez pas brezi së bashku me lavdinë e luftës për lirinë e Kosovës dhe kujtimin për dëshmorët e lirisë.

 Ferat Shala, Prishtinë, 4 Janar 2019.


Ditë të vështira për mbrojtjen e mjedisit!

Opinion autorial i Dr.sc. Ferat Shala, për zhvillimet aktuale në sektorin e mjedisit, me rastin e shënimit të 5 Qershorit - Ditës Botërore të Mjedisit...

Lexo më shumë...

A është momenti i duhur për të mbështetur zhvillimin e ekoturizmit në Kosovë?

Tani kur po diskutohet shumë për pakon ekonomike për mbështetjen e bizneseve për rimëkëmbje nga pasojat e pandemisë COVID19, vlerësoj që një nga fushat ku duhet të orientohet kjo mbështe...

Lexo më shumë...

Në emër të popullit – me përfaqësim 11 %!

Dr.sc. Ferat Shala, shkrim autorial mbi zhvillimet e fundit politike në vend...

Lexo më shumë...