Lexo

Prof. Asoc. Dr. Ferat Shala – Një biografi e shkurtër!

Ferat Shala ka lindur në Vuçak të komunës së Drenasit, më 10 qershor të vitit 1964. Ka doktoruar në Universitetin “Goce Delçev” të Shtipit (Maqedoni) në vitin 2013. Është profesor në Fakultetin e Inxhinierisë Mekanike në Universitetin e Prishtinës.

Gjatë karrierës së tij si profesor universitar ka dhënë mësim edhe në Fakultetin e Gjeoshkencave në Mitrovicë dhe në kolegjin universitar “Tempulli” në Prishtinë. Për afër katër vjet (dhjetor 2008 - korrik 2012), ka drejtuar ndërmarrjen “Trepça”, ndërsa për dy mandate ka qenë zëvendësministër dhe një mandat ministër në Ministrin e Mbrojtjes së Mjedisit dhe Planifikimit Hapësinor në Qeverinë e Kosovës.

Ai rrjedh nga një familja e njohur jo vetëm në Drenicë por edhe në krejt Kosovën, për rezistencë të vazhdueshme kundër pushtuesve të huaj. Në fund të viteve ‘70-të si gjimnazist në Drenas u organizua në radhët e grupeve ilegale politike të kohës, me shumë veprimtarë të njohur të anës së Drenicës. Gjatë shkollës së mesme, jo vetëm tek ai por edhe tek shumë nxënës të tjerë, një ndikim të madh në formësimin atdhetar, mes tjerëve, e kishte pasur edhe shkrimtari i mirënjohur (i vrarë nga hordhitë serbe në vitin 1999 në masakrën e Poklekut), Ymer Elshani.

Si student i Fakultetit Xehetaro-Metalurgjik, drejtimi i Gjeologjisë në Mitrovicë gjatë viteve 1988, 1999,1989 bie në kontakt me Kadri Veselin, Bislim Muçën dhe shumë të tjerë, me të cilët më vonë organizojnë grevën e studentëve mitrovicas që dolën në mbështetje të grevave të njohur të minatorëve të “Trepçës”. Për shkak të këtyre aktiviteteve policia jugosllave e arreston bashkë me shoqen e tij (më vonë edhe shoqja e jetës), Sala Berishën, në konviktin e studentëve në Mitrovicë.  Ferat Shala do ta ndaj fatin e keq bashkë me 215 intelektualë të tjerë në të ashtuquajturin “izolim” për 52 ditë nëpër shumë kazamate serbe.

Gjatë kohës së rezistencës paqësore ai angazhohet për krijimin e sistemit paralel të arsimit shqip në komunën e Drenasit, ka qenë pjesë aktive e Këshillit Komunal për Arsim dhe për disa vjet rresht, bashkë me gruan e tij, Sala Berishën, kanë punuar në arsim.

Që nga viti 1992 ai nis t’i intensifikojë aktivitet e armatosura bashkë me shumë ilegalë të Kosovës, si me: Kadri Veselin, Nait Hasanin, Sokol Bashotën, Bislim Zogajn etj. Në këtë kohë aktiviteti i tij përqendrohet kryesisht në grumbullimin dhe sistemimin e armatimit dhe në regrutimin e guerilëve të parë të UÇK-së. Në pranverën e hershme të vitit 1997 Shtabi i Përgjithshëm i UÇK-së e kishe ngarkuar në krijimin e njësitit “Pëllumbi”, sipas pseudonimit të luftës që e mbante. Më vonë gjatë luftës ai pati përgjegjësi të tjera në kuadër të Zonës Operative të Drenicës (ZOD) dhe të Shtabit të Përgjithshëm (SHP) të UÇK-së  Bashkë me Kadri Veselin kanë qenë themeluesit dhe drejtuesit e Drejtorisë së Shërbimit Informativ (DESH) pranë Shtabit të Përgjithshëm të UÇK-së, detyrë të cilën e ka kryer me shumë sukses gjerë në përfundim të luftës.

Pas përfundimit të luftës i është kthyer jetës akademike dhe specializimeve të shumta në fushën e Gjeologjisë, ku më 2013 e ka marrë titullin Doktor i Shkencave Gjeologjike.

Gjatë karrierës së tij shkencore dhe profesionale, Ferat Shala, herë si autor, herë si bashkautor, ka botuar një sërë titujsh shkencorë nga fusha e hulumtimeve gjeologjike, e menaxhmentit dhe komunikacionit.

Deri më tani ka botuar këta tituj:

Ferat Shala, Sala Berisha-Shala, Bislim Muça: Trepça, Ristrukturimi, Sfidat dhe Perspektiva, Atlantis Development, Roscoff, France 2014

Shkëlqim Zeqo, Ferat Shala: Teknika e Transportit, Kolegji i Shkencave te Aplikuara Teknike, Prishtinë 2014

Ferat Shala: Rrugët dhe Objektet në rrugë, Fakulteti i Inxhinierisë Mekanike (Ligjërata të autorizuara), Prishtinë 2012.

Ferat Shala: Infrastruktura në Komunikacion, Shkolla e lartë profesionale “Tempulli” (Ligjërata të autorizuara), Prishtinë 2011

Ferat Shala: Menaxhimi dhe Marketingu në Komunikacion, Shkolla e lartë profesionale “Tempulli” (Ligjërata të autorizuara), Prishtinë 2011.

Bedri Durmishaj, Sylejman Hyseni & Ferat Shala: Mineral’s Atlas of Trepça , Mitrovicë 2010.


Urime PDK!

Partia Demokratike e Kosovës (PDK), shënon 20-vjetorin e themelimit të saj....

Lexo më shumë...

Besimi juaj, do të na forcojë!

Proceset që na presin do t’i dëshmojnë misionet dhe kontributet e secilit!...

Lexo më shumë...

Urime Kosovë!

Sapo e kryem obligimin qytetar dhe demokratik. ...

Lexo më shumë...