Lexo

Shkollat të hapen me 1 shtator!

Shumica e qeverive në mbarë botën kanë mbyllur përkohësisht institucionet arsimore në përpjekje për të ndaluar përhapjen e pandemisë Covid-19. UNESCO vlerëson se me këtë veprim janë afektuar mbi 1 miliardë nxënës dhe studentë, ndërkohë që së paku 40 milion nxënës nuk kanë mbajtur mësim fare!

11.08.2020- “Bota është në një moment kthese për shkollimin e fëmijëve tanë, vendimet që qeveritë tani marrin do të kenë ndikim të gjatë mbi qindra miliona të rinj dhe në perspektivën e zhvillimit të vendeve të tyre për dekadat e ardhshme" citohet të ketë thënë Sekretari i Përgjithshëm i OKB-së Antonio Guterres javën që shkoi.

Vendet e rajonit, edhe Kosova, në fillim të pandemisë, kaluan në mësimin në distancë përmes platformës youtube dhe televizioneve kombëtare. Shumë shkolla shfrytëzuan edhe platforma tjera, pa pagesë, duke iu ofruar nxënësve më shumë interaktivitet si: Zoom, Google Meet, Skype ose dhe Microsoft Teams. Por edhe megjithëkëtë shumë nxënës mbetën jashtë “bankave” të shkollës virtuale – si pasojë e mungesës së infrastrukturës, qoftë qasjes në Internet apo mungesës së një laptopi në shtëpi.

Por tani, pas pushimeve verore situata ka ndryshuar: numri i rasteve është rritur në formë eksponenciale, globalisht duke arritur mbi 20 milion të infektuar me virusin Covid-19. Por në anën tjetër e kemi ndier edhe efektin e keq të mbylljes, si në aspektin ekonomik apo edhe të mungesës së mësim-nxënies. Krahasuar me vendet e rajonit, vetëm Maqedonia Veriore qëndron më keq se Kosova, për numrin e rasteve të vdekjeve nga COVID-19 në 1 milion banorë. Pra situata është serioze dhe me seriozitet duhet të trajtohet.

Hulumtimet shkencore, lidhur me mësim-nxënien në kohë të pandemisë, tregojnë që nxënësit, me rastin e ri-hapjes së shkollave në qershor janë ndier më mirë se sa “gjatë mësimit online” në shtëpi. Tani më është bërë e ditur që mësimi online nuk e zëvendëson mësimin në klasë, në asnjë nivel! Prandaj nuk është çudi që tani edhe vendet si Britania e madhe, Norvegjia, Gjermania etj. kanë vendosur të fillojnë mësimin në shkolla – edhe pse fillimisht ishin skeptike në këtë drejtim.

Pse Kosova po hesht? Pse Qeveria dhe Ministria e Arsimit ende nuk kanë dal me plan konkret për fillimin e vitit të ri shkollor? Apo ndoshta për këtë Qeveri dhe për Ministrinë e Arsimit, hapja e kafiterive është më e rëndësishme se hapja e shkollave? Përgatitjet dhe marrja e masave higjienike dhe sanitare duhet të fillojnë menjëherë, në të gjitha shkollat – dhe ato, të gjitha të hapen me 1 shtator.

Ferat Shala, Prishtinë - Gusht 2020

 


Hajdari, raporton para Komisionit Parlementar per Ekonomi

Sot para Komisionit për Ekonomi, Industri, Ndërmarrësi dhe Tregti, ka raportuar znj.Rozeta Hajdari Ministre e Tregtis, së bashku me UD të Kryeshefit të ARBK-së. Niveli i zbatimit të ligjit p...

Lexo më shumë...

Shala: Do të përdorim të gjitha mjetet legale që taksa 5 eurshe të mos filloj së zbatuari nga 1 shtatori

Kryetari i Komisionit për Ekonomi në Kuvendin e Kosovës, Ferat Shala, e konsideron si antiligjor vendimin e Ministrisë së Infrastrukturës me anë të të cilit qytetarët do të obligohen nga 1...

Lexo më shumë...

Në takim me përfaqësuesit e ARRU dhe KRU-ve!

Ferat Shala, në cilësinë e Kryetarit të Komisionit për Komisionit për Ekonomi, Industri, Ndërmarrësi dhe Tregti, së bashku me kolegët tjerë, ka ftuar në takim drejtoreshën e ARRU-së dhe ...

Lexo më shumë...