Lexo

Zv. Ministri i MMPH-së, Ferat Shala, përkujton gjeneral Shaban Shalën

05.01.2016- Zëvendësministri i Ministrisë së Mjedisit dhe Planifikimit Hapësinor, Ferat Shala, ka përkujtuar Gjeneral-major Shaban Shalën në katërvjetorin e vdekjes së tij. Ai ka thënë ndër të tjera se ndihet me fat që e ka pasur bashkëpunëtor dhe bashkëluftëtar gjeneral Shalën.

“Sot me rastin e përvjetorit të vdekjes me mall dhe krenari kujtojmë Gjeneral-Major Shaban Shalën, veprimtarin e hershëm të çështjes kombëtare, ish-i burgosur politik, ish-bashkëthemelues e drejtues i KMDLNj-së, pjesëtar dhe udhëheqës i Ushtrisë Çlirimtare të Kosovës, bashkëpunëtorë i komandantit legjendar Adem Jashari dhe komandant i Trupave Mbrojtëse të Kosovës. Ndjehem me fat që kam njohur dhe kam pasur si bashkëpunëtorë dhe bashkëluftëtarë këtë veprimtarë të madh të kombit tonë, njeriun që kontribuoi në ngritjen e celulave të parë të UÇK-së, në zhvillimin dhe forcimin e UÇK-së, në bërjen e lirisë së Kosovës dhe në ndërtimin e shtetit të pavarur të Kosovës”, ka thënë Shala. Ish-eprori i lartë i UÇK-së, ka thënë se Shaban Shala, ishte dhe mbetet protagonist i zhvillimeve të mëdha të Kosovës dhe la gjurmë të pashlyeshme në historinë e kombit tonë. “Puna, veprimtaria dhe virtytet kombëtare të tij do të mbesin frymëzim i pashtershëm dhe udhërrëfyes për punë, dashuri dhe përkushtim ndaj atdheut”, është shprehur Shala. Gjatë ditës së sotme, Shala ka bërë edhe homazhe dhe nderime pranë varrit të Gjeneral-Major Shaban Shalës, ku ishin të pranishëm edhe familjarë, bashkëveprimtarë, bashkëluftëtar dhe përfaqësues të institucioneve shtetërore.


Copëza historie nga Malet e Zatriqit!

Gjurmë të një ndër rrugëve më të vjetra të Kosovës. ...

Lexo më shumë...

Ditë të vështira për mbrojtjen e mjedisit!

Opinion autorial i Dr.sc. Ferat Shala, për zhvillimet aktuale në sektorin e mjedisit, me rastin e shënimit të 5 Qershorit - Ditës Botërore të Mjedisit...

Lexo më shumë...

A është momenti i duhur për të mbështetur zhvillimin e ekoturizmit në Kosovë?

Tani kur po diskutohet shumë për pakon ekonomike për mbështetjen e bizneseve për rimëkëmbje nga pasojat e pandemisë COVID19, vlerësoj që një nga fushat ku duhet të orientohet kjo mbështe...

Lexo më shumë...