Shala takon udhëheqësit e projektit “Promovimi i menaxhimit të përbashkët të resurseve ujore në pellgun e zgjeruar të Lumit Drin“

Qëllimi kryesor i takimit ishte bashkërendimi dhe fuqizimi i aktiviteteve në  realizimin e objektivit të projektit  që  është  “promovimi i menaxhimit të përbashkët të resurseve të përbashkëta ujore në pellgun e zgjeruar të Lumit Drin“.

Bashkëpunimi regjional në menaxhimin e ujërave ndërkufitare, nga MMPH konsiderohet veprim në  funksion të avancimit të bashkëpunimit regjional, përgatitjes së  Kosovës për zbatimin e konventave ndërkombëtare për menaxhimin e burimeve ujore të përbashkëta. Aktivitet i rëndësishëm i këtij projekti do të  jetë edhe ndërtimi i një  sistemi lagunar për trajtimin e ujërave të  zeza në  Fshatin Kramovik të  komunës së  Rahovecit.

Në  takim, palët u dakorduan që të vazhdojnë  bashkëpunimin, përfshirë  angazhimet e  grupeve të përbashkëta të ekspertëve në funksion të identifikimit të hapave të  domosdoshëm për ruajtjen dhe shfrytëzimin e qëndrueshëm të  burimeve ujore.