Lexo

MMPH-ja shënon ditën pa vetura

Shala kërkon shtigje për biçiklistë

22.09.2016- Ministria e Mjedisit dhe e Planifikimit Hapësinor (MMPH) ka shënuar me aktivitete të ndryshme Ditën Ndërkombëtare pa Makina. Kjo ditë shënohet në tërë botën, me qëllim sensibilizimin e njerëzve që të shmangin të paktën për një ditë veturat e tyre, të cilat emetojnë lëndë të dëmshme për organizmin, si një përpjekje për të kontribuar në mbrojtjen e mjedisit.

Zyrtarë të MMPH-së, aktivistë të shoqërisë civile e qytetarë, kanë defiluar simbolikisht me biçikleta, duke filluar nga ndërtesa e MMPH-së nëpër rrugën “Ukshin Hoti”, për të vazhduar nëpër rrugët “Garibaldi”, “George Bush”, për të përfunduar te hotel “Grandi”.

Ushtruesi i detyrës së ministrit të Mjedisit dhe Planifikimit Hapësinor, Ferat Shala, tha se ky është një marsh senzibilizues e edukues, që rikujton se duhet të bëhet më shumë për përmirësimin cilësisë së ajrit, të jetës, sikurse dhe për sigurinë në trafik.

“Kemi punuar mjaft në edukim, por na mbetet edhe shumë që të bëjmë… që të kemi sa më pak makina në qytete, kur ka mundësi që ato të zvogëlohen në qarkullim”, tha Shala.

“Në vitet e fundit kemi investuar shumë në infrastrukturën rrugore, kemi investuar si shtet dhe si politikë në cilësinë dhe zvogëlimin e numrit të makinave. Na duhet më shumë investim në burimet njerëzore, njeriu është faktori kryesor që ndikon në cilësinë e ajrit, në sigurinë në trafik dhe transport. Prandaj presim që të gjithë së bashku t’i rrisim investimet në burimet njerëzore, në edukimin dhe emancipimin e përdoruesve të makinave, në zhvillimin dhe përdorimin e infrastrukturës së përshtatshme për çiklizëm për këmbësorë dhe për ambientalistë”, u shpreh Shala, duke iu drejtuar të pranishmëve para ndërtesës qeveritare, para nisjes së marshit me biçikleta.

Por, Shala theksoi se në planifikimet e ardhshme urbane duhet të merret parasysh që infrastruktura në kryeqytet të jetë më e pajisur me shtigje këmbësorësh, biçiklistësh dhe të tjerët që e duan mjedisin.

Lajmi i plotë në http://www.ekonomiaonline.com/nacionale/sot-dita-nderkombetare-pa-makina/

 


Hajdari, raporton para Komisionit Parlementar per Ekonomi

Sot para Komisionit për Ekonomi, Industri, Ndërmarrësi dhe Tregti, ka raportuar znj.Rozeta Hajdari Ministre e Tregtis, së bashku me UD të Kryeshefit të ARBK-së. Niveli i zbatimit të ligjit p...

Lexo më shumë...

Shala: Do të përdorim të gjitha mjetet legale që taksa 5 eurshe të mos filloj së zbatuari nga 1 shtatori

Kryetari i Komisionit për Ekonomi në Kuvendin e Kosovës, Ferat Shala, e konsideron si antiligjor vendimin e Ministrisë së Infrastrukturës me anë të të cilit qytetarët do të obligohen nga 1...

Lexo më shumë...

Në takim me përfaqësuesit e ARRU dhe KRU-ve!

Ferat Shala, në cilësinë e Kryetarit të Komisionit për Komisionit për Ekonomi, Industri, Ndërmarrësi dhe Tregti, së bashku me kolegët tjerë, ka ftuar në takim drejtoreshën e ARRU-së dhe ...

Lexo më shumë...