U.d. Ministri i MMPH, Ferat Shala dhe rektori i Universitetit Publik të Prizrenit “Ukshin Hoti”, Prof.Dr. Ramë Vataj, kanë nënshkruar sot memorandum të bashkëpunimit.

21.12.2016- Qëllimi kryesor i këtij memorandumi është bashkëpunimi në zhvillimin e moduleve dhe programeve mësimore në nivelin bachelor dhe master, realizimin e punës praktike për studentët në MMPH, realizimin e temave të diplomës me interes të përbashkët, shkëmbimin e përvojave, praktikave, ekspertëve e literaturës si dhe organizimin e përbashkët të ngjarjeve të rëndësishme shkencore e profesionale me qëllim të avancimit të politikave në fushën e mjedisit dhe planifikimit hapësinor.

Me rastin e nënshkrimit të këtij memorandumi, Shala dhe Vataj, vlerësuan se ky memorandum ishte i nevojshëm për të dy palët dhe se përfituesit kryesorë do të jenë studentët përmes angazhimit në punë praktike dhe në projekte që do të implementohen në të ardhmen në kuadër të këtij bashkëpunimi.