Lexo

Delegacioni i Korporatës së Sfidave të Mijëvjeçarit viziton MMPH-në

Ministri Shala premton bashkëpunimin e plotë të MMPH në përcaktimin e prioriteteve dhe projekteve për programin e mbështetjes për Kosovën

17.01.2017-Sot, Ministri i Ministrisë së Mjedisit dhe Planifikimit Hapësinor, z.Ferat Shala, priti një delegacion të Korporatës së Sfidave të Mijëvjeçarit (Millenium Challenge Corporation), të përbërë nga: James A. Gerard, drejtor menaxhues i Thesarit të Programit; Brian Forni, Zyra e Sfidave të Mijëvjeçarit të Kongresit Amerikan; Sarah Olmstaed, lidere e ekipit dhe Petrit Selimi, koordinator Nacional i KSM-së.

Takimi kishte karakter të këmbimit të ideve dhe mundësive të bashkëpunimit në mes të Ministrisë së Mjedisit dhe Planifikimit Hapësinor dhe Korporatës së Sfidave të Mijëvjeçarit në kuadër të programit të kësaj korporate për Kosovën.

Ministri Shala delegacionit i shprehu falënderim për bashkëpunimin dhe ndihmën e dhënë për MMPH-në dhe u shpreh i gatshëm për të ofruar gjithë mbështetjen e nevojshme në funksion të bashkëpunimit më të lehtë dhe më të frytshëm. Ai dhe bashkëpunëtorët e tij ofruan informacionet për projektet e implementuara në fushën e mjedisit, ato në vijim dhe planifikimet sipas prioriteteve të shpalosura para delegacionit mysafirë.

Delegacioni i KSM-së bëri të ditur se prioritetet e mbështetjes janë të orientuara në tre fusha: legjislacioni, energjia dhe mjedisi, duke specifikuar që  uji dhe ajri janë prioritetet kryesore në sektorin e mjedisit.

U këmbyen idetë e bashkëpunimit konkret, të cilat do të formësohen në takimin e radhës si projekte, me të cilat MMPH do të jetë dukshëm më e përgatitur për t’i realizuar objektivat dhe vizionin e MMPH.

 


Hajdari, raporton para Komisionit Parlementar per Ekonomi

Sot para Komisionit për Ekonomi, Industri, Ndërmarrësi dhe Tregti, ka raportuar znj.Rozeta Hajdari Ministre e Tregtis, së bashku me UD të Kryeshefit të ARBK-së. Niveli i zbatimit të ligjit p...

Lexo më shumë...

Shala: Do të përdorim të gjitha mjetet legale që taksa 5 eurshe të mos filloj së zbatuari nga 1 shtatori

Kryetari i Komisionit për Ekonomi në Kuvendin e Kosovës, Ferat Shala, e konsideron si antiligjor vendimin e Ministrisë së Infrastrukturës me anë të të cilit qytetarët do të obligohen nga 1...

Lexo më shumë...

Në takim me përfaqësuesit e ARRU dhe KRU-ve!

Ferat Shala, në cilësinë e Kryetarit të Komisionit për Komisionit për Ekonomi, Industri, Ndërmarrësi dhe Tregti, së bashku me kolegët tjerë, ka ftuar në takim drejtoreshën e ARRU-së dhe ...

Lexo më shumë...