Lexo

Shala në Kroaci, takohet me rektorin e Universitetit të Zagrebit

Janë identifikuar si mundësi fillestare të bashkëpunimit dërgimi i studentëve nga Kosova në studimet e doktoraturës pranë Fakultetit të Transportit të Universitetit të Zagrebit, përkthimi i literaturës, pjesëmarrja në konferenca shkencore që organizohen nga ky Fakultet si dhe ndërlidhja e projekteve që realizohen në sektorin e transportit me fushën e studimeve në këtë sektor.

15.03.2017-Në ditën e dytë të qëndrimit në Kroaci, Ministri i MMPH-së, Ferat Shala është pritur në takim nga Rektori i Universitetit të Zagrebit, Profesor Damir Boras, Ph.D, prorektorja për menaxhimin e cilësisë së studimeve prof.dr, Ivana Cukovic Bagic dhe dekani i fakultetit të Transportit Dr.sc. Hrvoje Gold.

Në takim është biseduar kryesisht për mundësitë e bashkëpunimit në fushën akademike në mes të Universitetit të Zagrebit dhe Universitetit të Prishtinës, me theks të veçantë të shkëmbimit të përvojave, literaturës dhe realizimit të projekteve të përbashkëta në mes të Fakultetit të Transportit nga Universiteti i Zagrebit dhe Fakultetit Teknik të Universitetit të Prishtinës.

Janë identifikuar si mundësi fillestare të bashkëpunimit dërgimi i studentëve nga Kosova në studimet e doktoraturës pranë Fakultetit të Transportit të Universitetit të Zagrebit, përkthimi i literaturës, pjesëmarrja në konferenca shkencore që organizohen nga ky Fakultet si dhe ndërlidhja e projekteve që realizohen në sektorin e transportit me fushën e studimeve në këtë sektor.

Shala me këtë rast ka vizituar edhe kampusin e Fakultetit të Transportit të Universitetit të Zagrebit, ku nga afër është njoftuar me plan programet e studimeve, laboratorët që disponon ky fakultet dhe bibliotekën e tij.

Përfaqësuesit e Universitetit të Zagrebit janë shprehur të gatshëm për të intensifikuar bashkëpunimin ndërsa që Ministri Shala, i ka falënderuar ata për mundësinë e ofruar duke e vlerësuar përvojën  kroate në fushën akademike si një derë e shumë mundësive të avancimit për studentët dhe stafin akademik të Universitetit të Prishtinës.

 


A është e gabuar logjika e bashkimit të mjedisit dhe infrastrukturës në një ministri?

Sikurse jeni të informuar tashmë në kuadër të Qeverisë së re të Kosovës e ashtëquajtura Qeveria Kurti II, që përbëhet nga 15 Ministri, funksionon edhe Ministria e Mjedisit, Planifikimit H...

Lexo më shumë...

Deputeti Shala: Dr. Hafir Shala, njëri prej figurave më të veçanta historike

Deputeti i Partisë Demokratike të Kosovës (PDK), Ferat Shala, ka thënë se doktor Hafir Shala, mbetet njeri prej figurave me të veçanta të Ushtrisë Çlirimtare të Kosovës (UÇK). Shala në...

Lexo më shumë...