Ministri i MMPH, Ferat Shala bënë homazhe në kompleksin e varrezave “Pëllumbat e Lirisë” në Negrovc

Përkujtimet dhe nderimet bëhen me rastin e shënimit të 18-vjetorit të rënies së 21 dëshmorëve të UÇK-së, nga njësiti “Pëllumbi” dhe 36 martirëve të lirisë nga kjo anë.

12.04.2017- Të pranishëm në këtë ceremoni ishin edhe familjarë, bashkëluftëtarë, bashkëfshatarë, përfaqësues të institucioneve lokale e qendrore dhe shumë qytetarë nga Drenica me rrethinë. “Kompleksi i varrezave Pëllumbat e Lirisë, në Negrovc, është një dëshmi që flet për qëndresën dhe luftën heroike të njësitit “Pëllumbi” dhe sakrificën e popullatës së kësaj ane për liri. Sot kur përkujtojmë “pëllumbat e lirisë”, rikujtojmë edhe lavdinë, krenarinë, qëndresën dhe sakrificën e dëshmorëve dhe të popullit liridashës të kësaj ane që i dhanë kuptimin e vërtetë lirisë që gëzojmë sot” , ka thënë Shala në përkujtimin e tij.