U tha se ky zë pushke e lirie ishte moment kthese e kushtrimi në luftën për liri.

12.09.2017- Me rastin e 20 vjetorit të të aksionit të parë të armatosur kundër forcave policore serbe në regjionin e Ferizajt, të ndërmarrë nga njësiti gueril i UÇK-së në fshatin Gërlicë, të prirë nga luftëtari i lirisë, tani dëshmori i kombit Rexhep Bislimi, janë bërë homazhe pranë varrit të dëshmorit. Ferat Shala, bashkëluftëtarë i dëshmorit Rexhep Bislimi, dhe një ndër organizatorët e këtij sulmi ka thënë se: “Ky zë pushke e lirie ishte moment kthese e kushtrimi në luftën për liri”. Në këtë ceremoni ishin të pranishëm edhe bashkëluftëtarë tjerë të dëshmorit, përfaqësues të Shoqatave të dala nga lufta e UÇK-së, dhe përfaqësues nga strukturat udhëheqëse të komunës së Ferizajt.