Lexo

Një delegacion i UP po qëndron për vizitë në Universitetin Gazi të Turqisë

Po diskutohen mundësitë e bashkëpunimit dhe shkëmbimit të përvojave në mes dy Universiteteve, me theks të veçantë në kryerjen e specializimeve nga studentët dhe kuadrot e UP-së, në fushën e Ekonomisë dhe Teknikës, realizimin e studimeve të doktoraturës dhe përfitimin e donacioneve.

12.02.2018- Një delegacion i Universitetit të Prishtinës, në përbërje Prof.Dr. Ahmet Shala, Dekan i Fakultetit të Inxhinierisë Mekanike, Prof.As.Dr. Ferat Shala, nga Fakulteti i Inxhinierisë Mekanike dhe Esat Kelmendi, sekretar i UP-së, po qëndron për vizitë zyrtare në Ankara të Turqisë. Delegacioni nga UP është pritur sot nga stafi drejtues i Universitetit Gazi, në përbërje Prof.Dr. Ibrahim Uslan, Rektor, Prof. Dr. Yasar Aydemir zv.Rektor, Gonce Bayraktar Durgun, Ph.D, Dekan i Fakultetit të Shkencave Ekonomike dhe Prof. Dr. Omer Keles, Dekan i Fakultetit të Inxhinierisë Mekanike.

Në takime është biseduar për mundësitë e bashkëpunimit dhe shkëmbimit të përvojave në mes dy Universiteteve, me theks të veçantë në kryerjen e specializimeve nga studentët dhe kuadrot e UP-së, në fushën e Ekonomisë dhe Teknikës, realizimin e studimeve të doktoraturës dhe përfitimin e donacioneve dhe pajisjeve laboratorike për Departamentin e Energjetikës dhe Komunikacionit të Fakultetit të Inxhinierisë Mekanike të UP.

Vizita do të vazhdojë edhe gjatë ditës së nesërme ku përveç takimeve pritet të zyrtarizohen edhe marrëveshjet ndëruniversitare.

Vizita është aranzhuar dhe organizuar me mbështetje nga Agjencia Turke për Bashkëpunim dhe Koordinim-TIKA.

 


A ishte planifikuar mirë testimi i unazës njëkahore për qytetin e Prishtinës?

25.04.2022 - Eksperimentet janë metoda shkencore që ju mundësojnë njerëzve të testojnë një ide dhe të marrin rezultate të besueshme. Por për të realizuar një eksperiment të suksesshëm a...

Lexo më shumë...

7 Marsi, Dita e Mësuesit

Dr.sc. Ferat Shala, fjalim në emër të Partisë Demokratike të Kosovës me rastin e seancës plenare për Ditën e Mësuesit....

Lexo më shumë...

Përmbledhje e aktiviteteve në kuadër të Komisionit Parlamenta për Ekonomi, Industri, Ndërmarrësi dhe Tregti gjatë muajit Shkurt- Mars 2022

03.03.2022- Në takim me Viola von Cramon-Taubadel, raportuese e përhershme e Parlamentit Evropian për Kosovën. Tema e diskutimi: zhvillimet dhe sfidat më të fundit në lidhje me strategjinë e ...

Lexo më shumë...