Lexo

Ferat Shala: PDK-ja është parti bashkëpunuese, por për presidentin s’bëjnë kompromise

29.03.2021-Në një intervistë për Ekonomia Online, Shala tha se proceset me të cilat do të ballafaqohet Kosova në të ardhmen nuk do të jenë të lehta.

Deputeti i Partisë Demokratike të Kosovës, Ferat Shala, ka deklaruar që kjo parti nuk është përjashtuese, por kur është në pyetje çështja e presidentit ai thotë se nuk bëjnë kompromise për kandidatët që nuk përfaqësojnë unitet politik.

“Qëndrimi jonë tashmë është i qartë, ne jemi parti opozitare dhe do jemi aktiv me të gjithë dimensionin e vet social, ekonomik e parlamentar, do jemi kujdestarë në raport me institucionet e shtetit. Do të bëjmë të mundurën në mënyrën më demokratike që t’i ruajmë institucionet vitale dhe pozicionin e shtetit të Kosovës në raport me gjitha ato zhvillime të cilat e presin dhe nuk janë të lehta dhe të pakta, pra do të jemi në shërbim të qytetarit, dhe të politikës e cila e mbron Kushtetutën dhe vendin tonë”, tha Shala.

“Ne kemi pasur dhe kemi komunikim me të gjitha subjektet politike, asnjëherë nuk kemi qenë parti përjashtuese, asnjëherë nuk kemi qenë parti të cilat kemi diferencuar apo ndarë subjektet politike në Kosovë, megjithatë ne jemi partia  e madhe opozitare dhe presim një bashkëpunim korrekt por varet nga zhvillimi i temave dhe pozicionet që do t’i marrin subjektet tjera opozitare siç janë ato pas nesh”, theksoi ai.

Arsyet kryesore sipas tij që kandidatja për presidente, Vjosa Osmani, nuk e ka përkrahjen nga kjo parti është mungesa e personalitetit të unitetit që tek ajo nuk e kanë parë.

“PDK dhe strukturat e saj, Këshilli Drejtues dhe Kryesia kanë marrë qëndrim që nuk do të ketë votë për znj.Osmani për kandidate si Presidente. Arsyeja e parë është që në asnjë moment të jetës së saj politike dhe legale nuk ka reflektuar si person i unitetit, pra pozicioni i Presidentit punën e parë, dhe momentin e parë e karakteristikën e parë si pozicion duhet ta ketë si personalitet që reflekton unitet dhe gjithëpërfshirje në kuptimin e udhëheqjes. Veti këto që nuk i gjejmë tek ajo, që nga hyrja në skenën politike e deri sot në asnjë rast dhe moment nuk e kemi parë personalitetin e unitetit tek ajo”, deklaroi Shala.

“Personaliteti i Presidentit duhet të jetë unifikues, intelektual me kulturë dhe vizion të shtetit, i cili nuk e ka dëmtuar asnjëherë pozicionin nacional dhe kombëtar, një figurë e pastër kombëtare dhe intelektuale”, u shpreh ai.

Sa i përket çështjeve të jashtme dhe qëndrimit të kryeministrit Albin Kurtit kundrejt dialogut, Shala thekson që ai tashmë është peng i gjithë atyre çfarë ka premtuar gjatë kohës sa ka qenë në opozitë dhe nuk e ka të lehtë transformimin.

“Ai tani më është peng i atyre që ka premtuar, atyre që ka vepruar në situata të caktuara sa ka qenë në opozitë dhe tani nuk e ka shumë lehtë të bëjë këtë transformim të cilin koha dhe momenti i tij e kërkon, megjithatë ne jemi këtu dhe do të kemi saktësisht një ballafaqim ballë për ballë”, përfundoi ai.

Intervistën e plotë e gjeni në linkun: https://vimeo.com/530188951

 


Hajdari, raporton para Komisionit Parlementar per Ekonomi

Sot para Komisionit për Ekonomi, Industri, Ndërmarrësi dhe Tregti, ka raportuar znj.Rozeta Hajdari Ministre e Tregtis, së bashku me UD të Kryeshefit të ARBK-së. Niveli i zbatimit të ligjit p...

Lexo më shumë...

Shala: Do të përdorim të gjitha mjetet legale që taksa 5 eurshe të mos filloj së zbatuari nga 1 shtatori

Kryetari i Komisionit për Ekonomi në Kuvendin e Kosovës, Ferat Shala, e konsideron si antiligjor vendimin e Ministrisë së Infrastrukturës me anë të të cilit qytetarët do të obligohen nga 1...

Lexo më shumë...

Në takim me përfaqësuesit e ARRU dhe KRU-ve!

Ferat Shala, në cilësinë e Kryetarit të Komisionit për Komisionit për Ekonomi, Industri, Ndërmarrësi dhe Tregti, së bashku me kolegët tjerë, ka ftuar në takim drejtoreshën e ARRU-së dhe ...

Lexo më shumë...