Lexo

Kosova dhe Shqipëria, ndajnë përvojat në sektorin e ujërave

12.02.2016- Sot në zyrat e MMPH-së, Zëvendës Ministri i Ministrisë se Mjedisit dhe Planifikimit Hapësinor, z. Ferat Shala, ka pritur një delegacion nga Ministria e Bujqësisë Zhvillimit Rural dhe Administrimit të Ujërave të Republikës së Shqipërisë, në përbërje Gjokë Jaku, Zëvendës Ministër dhe Arben Pambuku Drejtor i Përgjithshëm i Politikave Ujore në këtë ministri.

Zv. Ministri Shala e vlerësoi lart interesimin e përfaqësuesve nga Qeveria e Republikës së Shqipërisë për të fuqizuar bashkëpunimin në sektorin e administrimit të ujërave, dhe konfirmoi gatishmërinë e MMPH-së për bashkëpunim. Fokusi i takimit ishte bashkërendimi i aktiviteteve te te dyjave vendeve për menaxhimin e integruar te ujërave në zonat ndërkufitare. Zv. Ministri Shala i informoi të pranishmit për zhvillimet aktuale në MMPH, procesin e formimit të Autoritetit Rajonal të Pellgjeve Lumore, Projektet aktuale për trajtimin e Ujërave të zeza, si dhe për sfidat me të cilat ballafaqohet Kosova në këtë sektor. Të dy palët shprehën gatishmërinë për të thelluar bashkëpunimin dhe për të ndihmuar njëra tjetrën në fushat e zhvillimit të legjislacionit, ngritjes institucionale, si dhe për aplikimin në projekte të përbashkëta ndërkufitare, në mënyrë që të fuqizohet menaxhimi i integruar i burimeve ujore. Palët u pajtuan që të përgatisin një marrëveshje kuadër në formën e një memorandumi të bashkëpunimi, e cila do të formalizojë bashkëpunimin dhe e cila pastaj do të pasohet me marrëveshje te hollësishme teknike.


A është e gabuar logjika e bashkimit të mjedisit dhe infrastrukturës në një ministri?

Sikurse jeni të informuar tashmë në kuadër të Qeverisë së re të Kosovës e ashtëquajtura Qeveria Kurti II, që përbëhet nga 15 Ministri, funksionon edhe Ministria e Mjedisit, Planifikimit H...

Lexo më shumë...

Deputeti Shala: Dr. Hafir Shala, njëri prej figurave më të veçanta historike

Deputeti i Partisë Demokratike të Kosovës (PDK), Ferat Shala, ka thënë se doktor Hafir Shala, mbetet njeri prej figurave me të veçanta të Ushtrisë Çlirimtare të Kosovës (UÇK). Shala në...

Lexo më shumë...